Мектеп тарихы

«Алматы облысы Білім басқармасының Ескелді ауданы бойынша білім бөлімі»

ММ-нің «Ақешкі бастауыш мектебі»
коммуналдық мемлекеттік мекемесінің

ТАРИХЫ

Ақешкі бастауыш мектебінің қазіргі ғимараты 1962 жылы салынып, аталған жылы балабақша ретінде қолданысқа берілген.1996 жылы Ақешкі ауылындағы сегізжылдық мектеп үйі қолданыстан алынып тасталғанннан кейін, «Ақешкі бастауыш мектебі» атауы беріліп, қазіргі ғимаратқа көшірілді.Мектеп ғимараты бір қабатты, 4 бастауыш оқу кабинеті,шағын спортзал, мектеп меңгерушісінің кабинеті сияқты шағын бөлмелерден тұрады.Мектеп шағын жинақталған мектептер қатарына жатады. 1996 жылы мектеп меңгерушісі болып Байбосынова А.Е. қызмет атқарды. Сол уақытта оқушылар санының аздығына байланысты оқушылар қосарланған сыныптарда оқып, білім алды.2006-2007 оқу жылдарынан бастап мектептегі балалардың саны едәуір артып, біріктірілген сыныптардан жекелеген сыныптар ашыла бастады. Мектепалды даярлық тобының балаларын мектепте оқыта бастады. 2007-2008 оқу жылында мектеп меңгерушісі болып Сейітбекова Г.Қ. қызмет атқарды. 2008-2009 оқу жылынан бастап мектеп меңгерушісі болып Садвакасова Г.Р. қызмет атқаруда.Мектепте қазіргі кезеңде 7 мұғалім еңбек етуде. Оның ішінде 4 бастауыш сынып мұғалімі, 1 мектепалды даярлық тобының мұғалімі, дене шынықтыру пәнінің мұғалімі, педагог-психолог қызмет атқаруда. Мектепте тәжірибелі ұстаздар жұмыс істейді. Біліктілік категориясы бойынша 4 педагог- сарапшы, 1 педагог –модератор және ІІ категория бойынша ұстаздар еңбек етуде.Қазіргі уақытта мектепте 20 оқушы оқып, білім алуда.Білім сапасының көрсеркіші 67% құрайды. Мектепте оқу жылының басында құрылған оқу -тәрбие жоспарын басшылыққа ала отырып жұмыс жүргізеді. Мұғалімдер облыстық «Өрлеу» ұлттық біліктілікті арттыру орталығында оқып, өз білімдерін жетілдіріп отырады. Оқушыларымыз түрлі байқауларға қатысып,жүлделі орындарды иеленуде. Неше жылдық тарихы бар мектебіміздің түлектері қазіргі уақытта түрлі салаларда қызмет атқарып,еліміздің өркендеуіне үлес қосуда. Қазіргі уақытта мектебіміздің түлектері жоғары оқу орындарының грант иегері атанып, түрлі мамандықтар бойынша оқып білім алуда.Мектеп өміріндегі өткізіліп жатқан іс -шаралар «Instagram» және «Facebook» сайтының парақшаларына салынған.